我並非一個稱職嘅小三，其實我隻腳做完手術之後，一個人响屋企，覺得好寂寞好無助，有好多嘢想做但做唔到，行兩步都痛到癲咗，真係好想有人响身邊照顧，好想人安慰我，好想有人幫我打點一切……
但係我完全唔敢叫佢，因為我怕佢屋企人更需要佢，我寂寞我自己都面對緊咩嘢，我唔想我面對嘅嘢，對方屋企人都一樣去面對，我唔好似人哋咁樣搶人哋個老公返嚟玩，而我越寂寞越唔想佢過嚟陪我。
其實我都好想同佢講：你嚟照顧我啦 ，呢兩個禮拜都響度唔好走啦！
結果我只會講你唔好嚟咁多啦，你照顧下你屋企喇，陪佢哋多啲喇，我已經佔用咗你好多時間……究竟我做啲咩?呢點解永遠都係咁！只會為人哋想，咁我自己又點呀？邊個為我想呢？
做第三者就係咁㗎喇，我都好想搵一個真正愛我嘅男人，但真係有咁易咩～邊有人肯真心去建立一個家呀！就係因為咁，我更加唔想去拆散人哋個家……
沒有留言:
張貼留言